رونكردنەوەیەك لە وەزارەتی دارایی و ئابووری حكومەتی هەرێمی كوردستان
یەكەم_رۆژی پێنج شەممەی رابردوو 25/ 1/2018 بڕی(250) دوو سەد و پەنجا ملیار دینار لە بانكی مەركەزی بەغدا نێردراوە بۆ فەرعی بانكی مەركەزی عێراق لە هەولێر، ئەم بانكە پەیوەندی بە وەزارەتی دارایی و ئابووری حكومەتی هەرێمەوە نییە و كارەكانیان لە ژێر بڕیاری بانكی مەركەزی دایە.
دووەم_ وەزارەتی دارایی و ئابووری حكومەتی هەرێم هیچ بڕە پارەیەكی لە بەغداوە پێنەگەیشتوە بۆ دابەشكردنی مووچە، بەڵكو لیژنەكانی پێكهاتوو لە نێوان بەغدا و هەولێر بەردەوامن لە وردبینی لەسەرجەم وەزارەتەكان جگە لە هەردوو وەزارەتی پێشمەرگە و ناوخۆ.
سێ یەم_ وەزارەتی دارایی و ئابووری هەموو لایەك دڵنیا دەكاتەوە كە بەردەوام دەبین لەسەر دابەشكردنی مووچە و هەر بڕە پارەیەك لە بەغداوە بێت وەزارەتمان رایدەگەینێت.